Pagsasara sa PSBA-QC, hinadlangan ng korte

MANILA, Philippines - Nagpalabas kahapon ng 20 day temporary restraining order (TRO)  ang Quezon City court na nag-uutos sa management ng Philippine School of Business Administration sa lungsod na huwag munang ipatupad ang pagsasara sa naturang paaralan na epek­tibo sana ngayon. 

Kaugnay nito, iniutos din ng korte sa mga petitioners na pinangu­ ngu­nahan nina Mary Plet Paguiop at Patrick Lloret na maglagak ng bail band 200,000 sa korte kaugnay ng kaso.

Sa apat na pahinang kautusan ni QC-RTC branch 194 Judge Ca­therine P. Manodon, ang mga peti­tioners  ay maaaring magdusa kung maipasasara ang PSBA-QC bago maisagawa ang writ of preliminary injunction tungkol sa kasong ito.

Ang pagdinig sa writ of preli­minary injunction ay isasagawa sa  October­ 24.

Ang mga mag-aaral ng PSBA-QC na pinangungunahan nina Lloret na kinabibilangan ng may 4,000 mag-aaral ay nagsampa ng petition for injunction sa korte upang pigilan ang pagsasara sa naturang pa­aralan dahil ang naturang hakbang ay pag­labag umano sa karapatan ng mga estud­ yante na makatapos ng pag-aaral.

Kasama sa mga respondents sa kaso ay ang registered stock­holders Juan Lim at Ramon Peralta, listed stockholder Antonio Magtalas, Commission on Higher Education (CHED) chairperson Patricia Li­cua­nan, at CHED National Capital Region Director Catherine Castañeda.