Female drug suspect, timbog sa buy-bust

MANILA, Philippines — Isang female drug suspect ang inaresto ng mga awtoridad sa buy-bust operation sa Pasig City kamakalawa ng gabi.

Kinilala ang suspek na si alyas Vangie, 55, ng Barangay Manggahan, Pasig City.

Sa ulat ng Pasig City Police, nabatid na dakong alas-11:55 ng gabi nang isagawa ang buy-bust operation sa Duhat St., Napico, sa Brgy. Manggahan.

Nauna rito, nakatanggap umano ng tip ang mga awtoridad hinggil sa ilegal na aktibidad ng suspek kaya’t tinarget sa buy-bust.

Nakumpiska mula sa suspek ang ‘di pa batid na halaga ng shabu at buy-bust money.

Nakapiit na ang suspek at sasampahan ng kasong paglabag sa Republic Act 9165 o The Comprehensive Dangerous Drugs Act of 2002.