MANILA, Philippines - Isang lalaki ang dead on arrival sa Gat Andres BoÂnifacio Memorial Medical Center Hospital (GABMMC) habang ang isa pa ay natagpuang patay sa kalye, sa Gate 52, Area C, Parola Compound, Binondo, Maynila.
Kinilala ang biktimang sina Ernie Fernandez, 28, pedicab driver, ng Gate 56, Area H., Parola compound, Maynila na natagpuang paÂtay sa kalye, habang idiÂnekÂÂlarang dead on arrival naman ang kaibigan nitong si Cesar Gating, 33, vendor, ng Gate 54, Area C, Parola compound, na may tama rin ng bala sa katawan.
Wala pang nakuhang impormasyon ang mga awtoÂridad sa pagkilanlan ng mga suspect.
Sa ulat ni PO3 Julieto Malindog ng Manila Police District-Homicide Section, dakong alas-6:30 ng gabi nang maganap ang insidente sa bahagi ng Gate 52, Area C, Parola compound, Binondo, Maynila.
Ayon kay Desiree Fernandez, live-in partner ni Fernandez, bandang alas-5:00 ng hapon nang umalis ang huli para magtungo sa kaibigan sa perya at may magbalita sa kaniya na nakabulagta sa tama ng bala si Fernandez.
Nakuha sa lugar ng piÂnangyarihan ang dalawang basyo ng kalibre .45 at 10 basyo ng 9 mm na hinihinalang ginamit sa dalawang biktima.
Posibleng may kaugnaÂyan umano sa iligal na droga ang insidente, kung saan kilala ang lugar sa talamak na bentahan ng shabu.