Shootout: 19-anyos, tigok

MANILA, Philippines - Tuluyang binawian ng buhay  ang isang 19-anyos na hinihinalang holdaper nang makipagpalitan ng putok sa mga awtoridad matapos itong masita kahapon ng umaga sa Quiapo, Maynila.

Nasawi habang gina­gamot sa Mary Chiles Hospital ang biktimang si Saidami Maka­bato ng C. Palanca St., Quiapo.

Pinagpapaliwanag naman sina SPO3 Deogracias de Ocampo Ebora; SPO1 Ricardo  Rivera Jr.; PO3 Rene De Guzman at PO2 Eligio Valencia Jr., pawang nakatalaga sa MPD-Station 8 (Sta. Mesa), kaugnay sa pakikipagputukan sa biktima.

Sa report, dakong alas- 2:15 ng madaling-araw nang maganap ang insidente sa Marayag St., Quiapo, Maynila.

Nauna rito, nagsasagawa ng pagpapatrulya ang mga pulis­ sa nasabing lugar ka­ugnay sa mga ulat ng holdapan nang maispatan nila  si Makabato na nakatigil at sakay ng motorsiklo na wala  pang plaka (for registration).

Tinangka ng grupo ni Ebora­ na sitahin si Makabato su­balit agad silang pinapu­tukan kaya gumanti ng putok ang mga pulis kung saan tinamaan si Makabato.

Narekober sa nasawi ang isang kalibre .45 pistola at mga bala.