MANILA, Philippines - Arestado na ang isa sa dalawang suspect na sangkot sa panghoholdap at pagpatay sa 20-anyos na cum laude ng Pamantasan ng Lungsod (PLM) ng Maynila na si Kristine Dawn Concepcion noong Marso 6 ng madaling araw sa loob ng pampasaherong dyip sa Sta. Cruz, Maynila.
Kinilala ang suspect na si Melvin Balajadia, 29, ng Tambunting st., Sta. Cruz, Maynila, matapos itong sunduin sa Manila Domestic Airport kahapon ng umaga mula sa pagtatago sa Tacloban City.
Nabatid na nagpasyang sumuko si Balajadia kay MPD-station 7 commander Supt. Roderick Mariano at Brgy. Chairman ReÂnato Jimenea, sa tulong ng isang tauhan ni Mariano na asawa umano ng pinsan ng suspect.
Kasalukuyan pang tinutugis ang isa pang suspect na si Gerald CamuaÂ, 27, miyembro umano ng ‘True Brown Style (TBS)’ at miyembro din ng ‘Sigue-sigue Sputnik’ gang.
Una nang dinampot ang ama ni Melvin na si Alvino Balajadia, dahil sa nakabinbing warrant of arrest sa kasong pilferage nang salakayin ang bahay nito sa pagtugis kay Melvin noong Marso 8.
Sa pag-amin ni Balajadia, hindi umano nila plano ang pagpatay kundi panghoholdap lamang at hindi niya inakala na babarilin ang biktima ng kasamang si Gerald CamuaÂ.
Batay sa imporÂmasÂyon, ang baril ay pag-aari ni Camua.