Budget ni VP Sara nadagdagan pa

MANILA, Philippines — Nilinaw ng Department of Budget and Management (DBM) na nadagdagan pa ang budget ng tanggapan ni Vice President Sara Duterte ngayong 2024.

Ito ang nilinaw ni DBM Secretary Amenah Pangandaman matapos ihayag ni Vice President Sara Duterte na kaya siya nagbitiw bilang kalihim ng Department of Education (DepEd) ay dahil sa mishandling o hindi tamang paghawak ng pondo.

Giit pa ng kalihim sa ambush interview sa Malakanyang na nasa P711 bilyon ang budget ni Duterte sa National Expenditure Program (NEP)

Subalit pagdating aniya sa General Appropriations Act (GAA) ay tumaas sa P715 bilyon.

Ang pagtaas aniya ng pondo ni Duterte ay dahil sa implementasyon ng Matatag curriculum program ng DepEd.

Ayon pa kay Pangandaman, iginagalang ng DBM ang pasya ng mga mambabatas nang dagdagan ang pondo ng DepEd.

Dahil tiyak naman aniya na dumaan sa masusing pagbusisi ng mga mambabatas ang pondo.