MANILA, Philippines — Kagaya noong 2022, nanguna uli sa listahan ng mga pangunahing pumapatay sa mga Pilipino ang ischaemic heart diseases sa unang limang buwan ng 2023.
Ito ang ibinahagi ni National Statistician at Civil Registrar General Clarire Dennis Mapa ngayong Martes sa preliminary data na inilabas ng Philippine Statistics Authority (PSA). Kapansin-pansing walang COVID-19 sa "top 10" ng listahan.
"The top three causes of death in the country from January to May of 2023 were ischaemic heart diseases, neoplasms and cerebrovascular diseases," sabi ng ahensya ngayong araw.
"From January to May of 2023, Ischaemic heart diseases were the leading cause of death with 44,770 cases or 19.3 percent of the total deaths in the country."
Narito ang listahan ng top 10 leading causes ng Filipino deaths mula Enero hanggang Mayo ngayong taon:
- Ischaemic heart diseases: 44,770 (19.3%)
- Neoplasms: 24,066 (10.4%)
- Cerebrovascular diseases: 23,951 (10.3%)
- Diabetes mellitus: 14,416 (6.2%)
- Pneumonia: 13,462 (5.8%)
- Hypertensive diseases: 13,202 (5.7%)
- Chronic lower respiratory diseases: 8,751 (3.8%)
- Other heart diseases: 7,553 (3.3%)
- Respiratory tuberculosis: 7,171 (3.1%)
- Remainder of diseases of the genitourinary system: 6,380 (2.7%)
Tinawag din ang ischemic heart disease bilang coronary heart disease o coronary artery disease, bagay na tumutukoy sa sakit na dulot ng pagkipot ng ugat ng puso na nagdadala ng dugo sa heart muscle.
Tumutukoy naman ang neoplasms sa tumor na maaaring maging benign (non-cancerous) o malignant (cancerous). Ang cerebrovascular disease naman ay iba't ibang uri ng kondisyon na nakakaapekto sa pagdaloy ng dugo at blood vessels sa utak.
"The information presented includes provisional deaths that occurred from January to May 2023 based on data files received and initially processed by the PSA - Civil Registration Service (CRS) from the PSOs as of 31 July 2023," paliwanag ng PSA.
"Thus, the figures presented herein are still preliminary and may differ from the final count. Deaths of Filipinos abroad are not yet included in this release, but Filipinos whose usual residence is abroad and foreign nationals with deaths occurring in the country during the reference period were included in this report."
Simula 2020, kadalasang nasa listahan ng pangunahing sakit na pumapatay ng Pilipino ang COVID-19.
Batay sa datos ng Department of Health, umabot na sa 4.12 milyon ang nahahawaan ng COVID-19 sa Pilipinas simula nang makapasok ito sa bansa. Sa bilang na 'yan, 66,736 katao na ang patay.