Matibag itinalagang acting Cabinet secretary

MANILA, Philippines — Itinalaga ni Pangulong Rodrigo Duterte si Melvin Alvarez Matibag bilang acting cabinet secretary sa Office of the President kapalit ni Karlo Nograles.

Inilabas kahapon ng Malacañang ang kautusan sa pagkakatalaga kay Matibag sa kanyang bagong posisyon.

Isang larawan din ang inilabas kung saan makikitang nanunumpa si Matibag sa harap ni Executive Secretary Salvador “Bingbong” Campo Medialdea.

Si Matibag ay tumatayo ring secretary general ng PDP-Laban.

Nabakante ang posisyon ng cabinet secretary matapos italaga ni Duterte si Nograles bilang chairman ng Civil Service Commission.