Señeres umatras na rin sa presidential race
MANILA, Philippines – Dahil sa kaniyang sakit, umatras na si OFW Party-list Rep. Roy Señeres sa pagtakbo bilang pangulo.
Ayon sa kampo ni Señeres ay may diabetes ang kongresista kaya naman nag desisyon siyang iatras ang kandidatura.
Sa kabila nito ay hindi naman tinanggap ng Comelec Law Department ang kaniyang withdrawal dahil dapat ay siya mismo ang maghahain nito.
Kabilang si Señeres sa certified at final list ng mga kandidato sa eleksyon sa Mayo 9.
Dahil sa kaniyang pag-atras ay limang kandidato na lamang ang mag-aagawan sa pwestong iiwanan ni Pangulong Benigno Aquino III.
Samantala, anim pa rin ang kandidato sa pagkabise presidente.
Nitong linggo lamang ay umatras na rin si Pwersa ng Masang Pilipino (PMP) presidential candidate Rommel "Mel" Mendoza upang suportahan ang karera ni Bise Presidente Jejomar Binay.
- Latest
