MANILA, Philippines – Hiniling ni Rizalito David ngayong Martes sa Korte Suprema na baligtarin ang desisyon ng Senate Electoral Tribunal (SET) sa kaso ni Sen. Grace Poe kaugnay ng kaniyang citizenship.
Naghain ng petisyon si David na humihingi ng writ of certiorari na magbabaligtad sa naging desisyon ng SET.
Sa botong 5-4 ay nanaig ang mga bumoto pabor kay Poe upang kilalanin siya bilang isang natural-born citizen.
Lima sa mga pumabor kay Poe ay kapwa niya senador, habang tatlo sa apat na kumontra sa kaniya ay hukom ng Korte Suprema.
Naghain ng disqualification case si David kontra kay Poe sa SET dahil sa kuwestiyonableng citizenship.
Unang humirit ng motion for reconsideration si David ngunit ibinasura lamang ito ng SET.
Samantala, diniskwalipika ng Commission on Elections 2nd Division si Poe para sa 2016 elections.