MANILA, Philippines - Binati ni Pangulong Benigno Aquino lll si pambansang kamao at Saranggani Rep. Manny Pacquiao sa panalo nito Laban Kay Chris Algieri sa kanilang Laban kahapon sa Macau, China. Sinabi ni PCOO Sec. Herminio Coloma Jr. na kaisa ng sambayanan ang Malacañang sa pagdiriwang sa muling panalo ni Pacquiao matapos nitong mapanatili ang kanyang welterweight belt laban kay Algieri.
Idinagdag ni Coloma na ipinamalas muli ni Pacquiao ang kanyang husay sa boksing. Nanalo si Pacquiao via unanimous decision sa kanilang 12-round fight kahapon sa Macau, China. Ito ang kauna-unahang talo ni Algieri sa kanyang professional fight.