Rep. Rodriguez itinalagang chairman ng BBL
MANILA, Philippines - Itatalaga ng liderato ng Kamara si Cagayan de Oro Rep. Rufus RodriÂguez bilang chairman ng bubuuing Adhoc Committee na hahawak sa pagdinig ng Bangsamoro Basic Law (BBL).
Sinabi ni House MajoÂrity Leader Neptali Gonzales, na siya mismo ang nagrekomenda kay Speaker Feliciano Belmonte para ibigay ang responsibilidad kay RodriÂguez na isang abogado at taga-Mindanao din.
Magiging responsibilidad umano ni Rodriguez na tiyakin ang legalidad ng lahat ng aspeto ng BBL at papasa ito sa Korte Suprema sakaling kuwestiyunin ang constitutionality nito.
Pormalidad na lamang umano ang kailangang hintayin para sa appointment ni Rodriguez na isasabay sa opisyal na anunsiyo din ng pagtataÂtag ng Adhoc Committee na pamunuan nito.
Magiging vice-chairman naman nito ang mga namumuno sa ilang mahahalagang komite ng kapulungan at miyembro nito ang lahat ng Mindanao Congressmen.
- Latest
