MANILA, Philippines - Pinayuhan at pinaÂalalahanan ng World Health Organization (WHO) ang publiko na iwasan na manigarilyo sa loob ng bahay at sa halip ay sa labas na lamang manigarilyo.
Ayon kay Dr. Julie Lyn Hall, kinatawan ng WHO sa Pilipinas, dahil sa paninigarilyo sa loob ng bahay ay nalalantad ang mga miyembro ng pamilya sa mapanganib na epekto ng pagsisigarilyo.
Payo pa ng WHO sa mga miyembro ng pamilya na pahintuin ang kanilang mga kasama sa bahay o kapamilya sa naninigarilyo subalit kung hindi makatiis ay palabasin ng bahay kung maninigarilyo upang maligtas ang mga non-smoker sa masamang dulot ng yosi.
Kung delikado ang kalusugan ng isang smoÂker, higit na nalalantad sa panganib ang kalusugan ng second-hand smoker o yaong mga taong nakalalanghap ng usok mula sa mga nagyoyosi.
Nalaman sa WHO na may mga kaso na ng non-smokers na nagkakaroon ng sakit sa baga, sa puso, impeksiyon sa lalamunan, pneumonia at iba pang karamdaman na nag-ugat sa paninigarilyo matapos na malantad sa second-hand smoke.
Madalas din aniya ang mga sakit dahil sa second-hand smoke sa mga kabataan kung saan lantad sila sa mga kasambahay na naninigarilyo.
Batay sa istatistika ng WHO, ang tobacco epidemic ang isa sa priÂmerong international public health threat dahil halos 6 na milyon katao ang namamatay bawat taon dahil sa epekto ng sigaÂrilyo habang mahigit na 600,000 ang namamatay sa second-hand smoke.