3 senador kakasuhan na ngayong linggo
MANILA, Philippines - Isasampa na ngayong linggo ang kasong plunder sa Sandiganbayan laban kina Senate Minority Leader Juan Ponce Enrile, Sen. Jinggoy Estrada at Sen. Bong Revilla.
Sinabi ni Revilla na may nakuha siyang impormasyon mula sa isang mapagkakatiwalaang source na gagawin ang pagsasampa ng kaso upang mapabilis ang pagpapakulong sa kanila at mapagtakpan ang isyu ng pagpapalabas ng listahan ng iba pang sangkot sa pork barrel fund scam na hawak ni Justice Sec. Leila de Lima.
Hinamon pa ni Revilla ang gobyerno na bilisan na ang pagpapakulong sa kanila dahil masyado na rin siyang napapagod.
Sa sandali anyang maisampa na ng Ombudsman ang kasong plunder laban sa kanilang tatlo agad itong ira-raffle at magpapalabas ng warrant of arrest.
Muling iginiit ni Revilla na isang “political persecution†ang nangyayari sa kanila pero umaasa siya na lalabas pa rin ang katotohanan.
- Latest
