Misis itinumba ng ex-convict

MANILA, Philippines - Pinaniniwalaang onsehan sa bawal na droga ang isa sa motibo kaya pinagbabaril hanggang sa mapatay ang 31-anyos na babae ng kanyang kainuman na sinasabing ex-convict sa Malabon City kahapon ng madaling-araw.

Napuruhan sa dibdib ang biktimang si Rodella Paloma ng Halaan Street, Barangay Longos sa nasabing lungsod.

Samantala, pinaghaha­nap naman ang suspek na si Arman Diaz, 34,  ng Phase 2-B, Dagat-Dagatan, Brgy.  Longos­ at kalalabas lamang ng ku­lungan nitong Pebrero sa kasong pagtutulak ng bawal na droga. Base sa police report, naganap ang pamamaril bandang alas-12:45 ng ma­daling araw habang nag-iinuman ang biktima at ang suspek.