MANILA, Philippines – Iimbestigahan ng Philippine Medical Association (PMA) ang pagkamatay ng tatlong politiko na hinihinalang dahil sa stem-cell therapy.
Sinabi ni PMA president Leo Olarte sa isang panayam sa radyo na sumailalim sa stem-cell treatment sa Germany ang tatlong “high-ranking†government officials isang taon bago sila mamatay.
Ayaw pangalanan ng PMA ang tatlong politiko.
"Complications [from the therapy] occurred when they returned [to Manila]. They developed a late hypersensitivity graft-host reaction. They died here in the Philippines," pahayag ni Olarte.
Paliwanag ni Olarte na ginamit sa kanilang operasyon ang stem cell mula sa tupa, kuneho at pati sa embryonic cells ng fetus o ipinalaglag na bata.
Aminado si Olarte na hindi naging madali ang kanilang imbestigasyon dahil umiiwas ang mga kamag-anak ng mga politiko na magbigay ng mga detalye.
Hindi tulad sa Pilipinas, maaaring gumamit ng stem cell ang Germany mula sa buwaya, tupa, baboy, baka, at kuneho na komplikado at delikado, ayon sa pinuno ng PMA.
Aniya dito sa Pilipinas ay pawang mga lisensyadong doktor lamang ang nagsasagawa ng stem cell therapy at tanging stem cell lamang mula sa human tissue ang ginagamit.