David, mas unang naging single kesa kay Barbie?!

Sinasangkot si Barbie Imperial sa hiwalayang Barbie Forteza at Jak Roberto.

Dinagsa nga siya ng tanong kung ba’t sila nag-break ni Jak?

Ito ay nung nag-post ng bakasyon si Barbie sa Japan na diumano’y kasama si Richard Gutierrez.

Kaya naman hindi pinalampas ni Barbie ang mga nagtatanong sa kanya na ba’t ang saya-saya pa niya samantalang maraming malungkot.

Kaya nag-reply ang Kapamilya star ng question marks.

Haha. Ganun naman sa social media, lahat ng Barbie ikinonek kay Jak.

Bago pa nag-2025 ay usap-usapan na ang nasabing pasabog ng magkarelasyon ng seven years na unang kinumpirma ni Barbie Forteza sa social media.

Pero totoo bang wala na rin sina David Licauco at non-showbiz girlfriend niya?

Kumalat nga kahapon ang isang social media upload ni Ms. Joy Marcelo na, Sparkle vice president na may caption na : “Mga single ngayong pasko!!!! @davidlicauco @nikkico_,” ayon sa kanyang caption.

Awww.

Kaya naman mas nagkaroon ng pag-asa ang shipper ng BarDa na unang nag-trending ang loveteam sa historical TV drama series Maria Clara at Ibarra.

Hanggang sa sinusulat namin ito ay wala pang post si Jak tungkol sa hiwalayan nila ni Barbie Forteza, hindi ni Barbie Imperial.