KathDen, may Pamasko sa fans!
Tuwang-tuwa ang fans sa kumalat na video nina Kathryn Bernardo at Alden Richards na nagyakapan.
Spotted na nag-skydiving ang dalawa pero sa video ay katatapos lang ng aktres na mag-skydiving at nang makita ang Kapuso actor ay niyakap niya ito nang mahigpit.
Ito pala ang first time ni Kathryn na mag-skydive at na-conquer nga niya ang takot doon.
Doon pa lang ay kilig na kilig na agad ang mga tagahanga nila.
Maaga raw kasi itong paayuda sa kanila sa Pasko.
Pero isa sa nagpadagdag sa kilig nila ay nang may marinig sila sa video na sumigaw na katunog ng “looooove!”
Parang boses daw kasi talaga iyon ng Kapamilya actress.
Isa rin sa napansin nila ay ang daming kinilig sa dalawa dahil maririnig sa video na marami ang sabay-sabay na na-touch sa yakapan ng dalawa.
Sey pa nga netizens ay mukhang tapos na raw talaga ang pila at totohanan na raw yata talaga ang relasyon ng dalawa.
Sapat na raw itong ebidensya na patunay sa relasyon nila at hindi lang sila delulu.
Tanong pa ng fans, kailan daw kaya aamin ang KathDen? Bongga.
- Latest
