Matteo, tinuloy ang pag-aaral sa Harvard

Kaya pala hindi visible lately si Matteo Guidicelli dahil wala ito sa bansa. Sa isa sa latest post nito, naka-enroll siya sa Harvard Business School, sa Massachusetts.

Nag-post siya ng photo niya sa tabi ng school logo at ang isang picture, classroom naman, wala siya, pero desk na may pangalan niya at mga kaklase at professor niya ang ipinakita.

“Here at Harvard Business School, diving deep into learning with some of the best professors- truly inspiring stuff! Spent hours behind the desk with my books and pen, connecting with classmates from all over the world and across so many industries. Built amazing relationships and took away experiences I’ll always remember. Definitely one for the books!”

Ang ganda ng mga comment ng friends niya, bukod sa congratulatory messages, may nag-comment na masaya sila for Matteo. Pati si Senator Pia Cayetano nag-comment ng “Great experience for you Matteo!”

“I would be so happy to see Sarag G go back to school as well. Showbiz is not forever,” hirit naman ng isa pa.

Hindi nabanggit ni Matteo kung kasama niya si Sarah Geronimo habang nag-aaral siya sa Harvard Business School. Upon checking his wife’s Instagram, mukhang nasa Pilipinas ito, nag-perform ito sa 40th anniversary ng isang convenience store. Unless, late post ‘yun ni Sarah.

John, may ibang kaakbay na babae?! Misis NR pa…

Inaabangan ang reaction ni Priscilla Meirelles sa balitang spotted ang husband niyang si John Estrada sa bar na may kasamang babae. Pero, hanggang kahapon, hindi pa nagpaparamdam.

Ibang girl ang kasama nito sa bar sa babae na nakitang kasayaw niya sa Boracay na pinag-reakan ni Priscilla at ibinuking pa ang pangalan.

Bale ba, hindi man niya kasayaw ang babae, nakahawak naman siya sa braso nito na sabi ng netizens, pinisil-pisil pa. Sa isa pang photo, nakaakbay na siya sa babae na mestiza rin at maganda.

Sa isang Instagram post ni Priscilla, may nag-comment ng “Same pa din po sila bahay and d pa hiwalay.” Sumagot si Priscilla ng “The problem with making assumptions.”

Sa nag-comment naman ng “Ako nga pala yung pinagpalit mo Rigor,” laughing emojis lang ang kanyang sagot.

Marian, tinatapatan ang collection ni Jed!

Ipinasilip ni Marian Rivera sa Kapuso stars na naka-bonding nila ni Dingdong Dantes sa Halloween dinner, ang collection niya ng Labubu dolls at Pop Mart dolls. Puno na ang isang room ni Marian ng kanyang collection, pero may space pa na puwedeng lagyan ng mga madadagdag niyang collection.

Ang dami na ng collection niya at tila tatapatan ang dami rin ng collection ni Jed Madela. Si Jed nga, kinailangang magpa-auction ng iba niyang doll collection na hindi Labubu para lang magkasya sa isang kuwarto.

Ganu’n din sigurado ang mangyayari kay Marian na araw-araw, may unboxing na ginagawa dahil dating nang dating ang mga bago niyang collection.