Jericho, hirap na ang kalooban kay Janine!
Ipinangalandakan ni Jericho Rosales sa social media ang pagka-miss niya kay Janine Gutierrez na kasalukuyang nasa Italy.
Dumalo kasi ang aktres sa world premiere ng pelikula niyang Phantosmia helmed by Lav Diaz sa Venice International Film Festival (under the Out of Competition section).
Sa Instagram account ni Janine ay proud na ibinandera ng aktres ang pagrampa niya sa red carpet ng naturang prestihiyosong international filmfest.
Isa sa si Echo sa mga nagkomento sa post ni Janine at ‘kaaliw ang kanyang sinabi. “Medyo hirap na ang kalooban ko,” ani Echo.
Super-kilig naman ang netizens and at the same time ay tawa sila nang tawa sa comment ng aktor.
Matatandaang kamakailan ay inamin ni Echo na nasa dating stage sila ni Janine.
Sarah, nagpasalamat
Ipinapaabot ni Sarah Geronimo ang kanyang pasasalamat sa TikTokerist na si Ralp Xyriel Villaruz dahil pinasikat daw nitong muli ang cover song niyang Maybe This Time.
Ipinost ng isang netizen sa X (dating Twitter) ang video ni Sarah na kuha mula sa recent event kung saan ay nagpasalamat si Popstar sa high schooler na nagpauso ng Maybe This Time dance challenge.
“Salamat kay Ralp dahil muling nakilala ang awitin nating Maybe This Time,” sey ni Sarah sa gitna ng mga taong dumudumog sa kanya.
Makikita rin sa video na katabi ni Sarah ang kanyang mister na si Matteo Guidicelli.
Mensahe pa ni Popstar sa estudyanteng TikTokerist, “see you soon, Ralp!”
Kamakailan nga lamang ay nanawagan si Ralp sa Showtime Online U kina Sarah and Matteo na baka pwedeng maka-collab niya si Popstar at sayawin nila nang sabay ang trending Maybe This Time dance craze.
“Miss Sarah, let’s collab soon,” panawagan ni Ralp.
Well, mukhang matutupad na ang kanyang request dahil nga si Sarah na mismo ang nagsabi na “see you soon.” Ngayon pa lang ay marami na ang nag-aabang ng kanilang pagkikita.
- Latest
