Joshua, pinagtrabahuhan ang jowang Fil-French golfer!

Ang sweet naman ng aktor na si Joshua Garcia at rumored girlfriend nitong Filipino-French athlete na si Emilienne Vigier.

Nag-post ang professional golfer ng mga litrato nila sa kanyang 26th birthday celebration kung saan makikitang ang sweet photos nila ng aktor. Naroon din ang kanyang birthday cake at tulips na tila bigay ng rumored boyfriend.

Ipinost din niya ang mga litrato nila sa kanilang mga lakad sa ibang bansa.

“Avec ma personne,” caption niya na ang ibig sabihin sa Ingles ay “with my person.”

“Pinag trabahuan mo talaga ako ng isang buwan para lang pumayag ka na mag dinner tayo nun”
“Oo syempre, bakit? Nr replies muna. Who you,” bahagi ng caption niya na kung paano diumano nagsimula ang relasyon nila.

Binuking nga nito na talagang nag-effort ang aktor kung paano siya mapapayag sa dinner.

Samantala, masaya raw si Emilienne sa simpleng buhay nila kasama si Joshua.

Maaalala ngang ang aktres na si Julia Barretto ang huling karelasyon ni Joshua. Pero pareho na silang masaya ngayon sa piling ng mga bagong karelasyon. Tahimik din ang relasyon nito sa aktor na si Gerald Anderson na sinabing handa na diumano siyang pakasal.