Marian, tumanggap ng indie movie

May komontra agad sa balitang may gagawing Cinemalaya movie si Marian Rivera at nakiusap pa sa GMA Network na pagpahingain naman daw si Marian. Kasalukuyang napapanood si Marian sa My Guardian Alien.

First Cinemalaya project ni Marian ang Balota to be directed by Kip Oebanda at siguradong nagustuhan nito ang story at gagampanang karakter bilang si titser Emmy kaya hindi siya mapipigilan ng fans na gawin ‘yun. Mapangahas at matapang ang role na gagampanan ni Marian, kaya hindi pinalampas.

Nabasa namin ang synopsis ng movie at nakasulat,  “A land-grabbing tycoon and a former sexy male actor are in a tight race for mayor in a small town. When violence erupts, Emmy, a teacher, runs into the wilderness with a ballot box, the last copy of the election result.”

Makakasama ni Marian sa cast sina Royce Cabrera, Sue Prado, Will Ashley, Nico Antonio, Joel Saracho, Mae Paner, Sassa Gurl, Raheel Bhyria at iba pa.

Kristine, ‘di na kilala si Jericho

May sagot si Kristine Hermosa sa naging pahayag ni Jericho Rosales na gusto siya nitong muling makatrabaho. Okay kay Kristine to work with Jericho again, pero depende raw sa project.

“Depende sa project, depende sa mga eksena. I need to see everything. Need ko i-filter...  No problem sa akin, kailangan lang worth it, worth my time dahil iiwan ko ang mga anak ko. Basta maganda ang project at may katuturan,” sabi ni Kristine.

Hindi rin daw magiging problema ang asawa niyang si Oyo Sotto, susuportahan daw siya halimbawang gusto niyang balikan ang showbiz.

Naging controversial pa nga ang pahayag na ‘yun ni Kristine dahil nagbiro ng “sino si Jericho” na hindi nagustuhan ng mga nakapanood ng video ng kanyang interview.

Hindi nila nasakyan na nagbibiro lang si Kristine dahil of course, kilala niya si Jericho.

Na-interview si Kristine sa Eat Bulaga, sa birthday presentation ni Vic Sotto at naging mas espesyal ang birthday ni Vic sa present ng mga anak, apo at manugang.