Date nina Gong Yoo at Taylor Swift, fake news!
Kikiligin na sana ang fans sa balitang nagkaroon ng dinner date sina South Korean superstar Gong Yoo at American pop star, Taylor Swift. May mga nagsimula na silang i-ship, kaya lang, mabilis na nag-isyu ng denial ang management ni Gong Yoo sa fake naman palang scoop na spotted na nag-dinner ang dalawa.
Sabi sa statement ng SOOP, groundless ang news at hindi nga raw nag-travel sa ibang bansa si Gong Yoo dahil busy ang schedule. At ang source ng fake news ay ang gossip account na DeuxMoi.
Ang nakalulungkot pa dahil sa fake dating news, pati raw ang pagpi-feature kay Gong Yoo sa music video ni Taylor Swift ay hindi na mangyayari.
Naimbyerna ang management ni Gong Yoo sa fake news at wala pang 24 hours, naglabas na ng statement denying the dinner date.
Direk Bobet, Billy at Kim, sanib-puwersa vs Kapamilya?!
Sayang at disabled ang comment box ni Bobet Vidanes sa post niya sa Instagram kasama sina Billy Crawford at Kim Atienza at may caption na “We are together... forever, Good friends! TRUE friends! Good to be with you guys...”
Ang ganda sanang basahin ng mga comment kung open ang comment box ni Direk Bobet at siguradong maraming galit na Kapamilya fans. Tapos, nagsama-sama pa silang tatlo na pare-parehong may isyu sa pinanggalingan nilang TV show ng ABS-CBN na It’s Showtime.
Pare-parehong may isyu sa It’s Showtime sina Billy, Direk Bobet at Kim at kung hindi man mag-react ang mga host ng show, ang Kapamilya fans ang mgre-react. Wala sa IG nina Billy at Kim ang larawan nilang tatlo, ayaw na rin yata nilang sumagot pa sa mga sasabihin ng Kapamilya fans.
Beauty Queen-actress na buntis, sumali sa car racing
Binisita namin ang Instagram ng beauty queen-actress na natsitsismis na buntis at para namang hindi siya preggy.
Kung totoong buntis si beauty queen-actress, titigil muna siya sa pagsasayaw na may patalun-talon pa at sobrang likot ng steps.
Saka, titigil muna siya sa car racing dahil hindi lang ito physically exhausting, nakaka-stress din. Noong Nov. 5, nag-post siya na nasa Practice Day siya for the final leg of the race at Nov. 7, nag-compete siya sa racing.
Hindi naman siguro niya papagurin ang sarili at iingatan kung totoong may baby nga sa kanyang sinapupunan.
Nakita rin namin na flat ang stomach niya, kaya parang malabong preggy si beauty queen-actress.
Kung totoo namang preggy siya, ibig sabihin, marunong siyang alagaan ang baby niya.
Naku, hintayin na nga lang natin ang kumpirmasyon sa kanyang kalagayan mula mismo sa kanya.
- Latest
