Mark Herras, may baby no. 2 na sa misis

Masusundan na ang panganay na anak nina Nicole Donesa at Mark Herras.

Nai-share ni Nicole ang magandang balita sa kaniyang social media post nitong bisperas ng Pasko tungkol sa kaniyang pagbubuntis.

Sa post, makikita sa larawan sina Mark at ang panganay nilang anak na si Corky, pati na ang ultrasound images ng paparating nilang bagong baby.

“The best gifts don’t come under a tree. This Christmas season, God gave us not one, but TWO gifts. Not only do we get to finally move into Casa Corky, but God surprised us with another unexpected blessing,” saad ni Nicole.

Kasabay nito, binati ni Nicole ang kaniyang pamilya at mga kaibigan ng maligayang Pasko.

“From our growing family, we wish you the Merriest of Christmases. Besides… THE MORE, THE MERRIER hehe.”

Na-engaged sina Mark at Nicole noong June 2020.

January 2021 nang isilang ni Nicole si Corky, at nagpakasal ang mag-asawa noong September ng nasabi ring taon.

Mariah, tuloy ang pagpapalakas sa Pinoy fans

Nakiisa ang mga Pinoy sa pagdiriwang ng Pasko ng American singer, songwriter, record producer, na si Mariah Carey.

Sa X na dating Twitter, binati niya ng Maligayang Pasko ang kanyang “Filipino lambily.”

“Merry Christmas to my festive Filipino lambily!” saad sa caption nang i-repost niya ang video ng Sony Music Philippines na nagpakita ng isang Filipino community choir na kumakanta ng kanyang sikat na awit na pamasko na All I Want For Christmas Is You, sa isang mall sa Pasay City.

Nitong nakaraang September, nakisali siya sa Filipino lambs sa maagang pagdiriwang ng Pasko, at nagbahagi ng isang site na nakalaan para sa Pilipinas, na may mga link na maaaring pakinggan ng fans ang kanyang kanta na All I Want For Christmas Is You.

Noong nakaraang taon, tumaas ang bilang ng streams ng awit ni Mariah sa Spotify at sinabi niya na, “I’ll allow it for my Filipino lambs.”

Tinatayang mahigit 2 billion streams na sa naturang streaming platform ang kanta niyang All I Want For Christmas Is You.