Pelikula ni Mommy D. walang kaingay-ingay

Teka, bakit tila nakulangan sa ingay ang pelikulang Tatlong Bibe directed by Joven Tan at produced ng Regis Films? Sayang dahil napapanahon pa naman ang kantang ‘yun na sumikat sa YouTube.  

And besides, kasali pa sa movie si Mommy Dionisia Pacquiao na sinundo pa sa GenSan para alukin ng role bilang kapareha ni Manoy Eddie Garcia. Excited pa naman si Mommy Dionisia dahil matagal din siyang hindi napanood sa pelikula. Baka mamaya lipas na ang kasikatan ng naturang kanta saka ito ipalabas.

Ka-loveteam ni Jen inaasar na Tarzan

Ano raw kaya ang magiging takbo ng istorya nina Jennylyn Mercado at Gil Cuerva, ang lalaking may mahabang buhok na tulad daw ni Tarzan?

First time magkakaroon ni Jen ng ka-loveteam na long hair. Mag-click naman kaya ang ideyang ito ng Kapuso?

Sey kasi ng ilang fans, pareho raw ‘maganda’ sina Jen at Gil.

Condolences…

Our deepest condolences sa pagkamatay ng father ni Mayor Herbert Bautista na si Herminio “Butch” Bautista. Member siya ng Lo Waist Gang noong araw na pelikula ni late Fernando Poe, Jr.

Si Direk Butch ang nagpauso ng bandana or panyo sa leeg.

Bumisita si Kris Aquino sa unang gabi ng burol ng ama ni Mayor Herbert bilang patunay na friends sila.