Jennylyn ayaw nang mag-asawa?!

Sa mga teaser pa lang ng pinagsasamahang muli nina Jennylyn Mercado at Dennis Trillo na My Faithful Husband ay halatang inspired na agad ang dalawa.

Parehong proud at enjoy sina Jennylyn at Dennis sa kanilang series sa Kapuso Network at masaya sa pagtitiwalang pagsamahin silang dalawa sa isang project.  Pareho raw challenging ang role nila, lalo na sa part ni Dennis na magkakaroon ng switch dahil malalaman kung hanggang kailan siya magiging faithful bilang asawa ng aktres.

Promise naman ni Jennylyn na hindi masasayang ang oras ng fans nila dahil ibinibigay daw niya ang kanyang best sa aktingan.

Samantala, marami pa rin ang tumutukso sa sinasabing balikan nila ni Dennis kahit na panay ang deny nila. Mas maganda at masaya raw ang ‘relasyon’ nila ngayon ni Dennis.

Basta ayaw na nilang pag-usapan ang mga past na relasyon nila kina Luis Manzano at Cristine Reyes.  Kahit nagkikita rin sina Jennylyn at Luis dahil pareho silang member sa isang scuba diving club.

Wala pa raw plano si Je­nnylyn na mag-asawa dahil gusto muna niyang palakihin si Alex Jazz. Sa tamang panahon daw kapag okey na kay Jazz ay saka na siya magdi-decide kung mag-aasawa siya.

Si Dennis naman ay enjoy sa anak niya kay Carlene Aguilar na nakakasama rin niya ‘pag wala siyang trabaho.