Kathniel hanep ang halikan nung New Year sa Dubai!
MANILA, Philippines – Hanep din ang yakapan sa isa’t isa nina Kathryn Bernardo at Daniel Padilla sa video clip ng selebrasyon nila ng New Year sa Dubai. Kulang na lang talaga ay aminin nila ang kanilang relasyon, huh!
Action speaks louder than words kaya what you see is what you get ang drama ng teen royalty ng Kapamilya Network.
Mas mahaharap kasi sa mabigat na pagsubok ang Kathniel loveteam sa remake ng Pangako sa ‘Yo. Mas mature ang roles ng dalawa sa teleserye na unang ginampanan nina Kristine Hermosa at Jericho Rosales.
Komo nga 18 na si Kath, puwede na siyang magkaroon ng kissing scene kay Daniel, huh!
Tiyak na babantayan ng bayan ang performance nilang dalawa sa remake ng isa sa phenomenal drama series nu’ng 90s, huh!
Marian balik-trabaho pagka-honeymoon
Rome ang isa sa destinasyon ng mag-asawang Dingdong Dantes at Marian Rivera bilang bahagi ng kanilang honeymoon. Agad nag-post ang aktres sa kanyang Instagram account kung saan nasa Marziali Café silang dalawa.
Mula sa Boracay, lumipad patungong Spain sina Dong at Yan kasama ang ama ng huli. Nagsagawa rin kasi ng maliit na wedding reception ang ama ni Yan na si Senor Francisco na sponsored ang pamilya niya roon.
Hanggang mid-January mananatili sa Europe ang dalawa. Nakaplantsa na kasi ang bagong soap ni Marian sa GMA Network na inasahang sisimulan na niyang gawin bago matapos ang buwan ng Enero.
Siyanga pala, nakalagay na sa IG account ni Marian ang pangalan na Marian Gracia Dantes. Kailangan na niyang sanayin ang pagpirma sa mga dokumento na may Dantes na, huh!
Ruby nawindang sa balitang kasal
Nawindang si Ruby Rodriguez nang may nag-post sa Face Book na, “Got married.”
Agad bumuwelta si Ruby upang sabihin na halos dalawang dekada na siyang kasal sa asawang si Mark Aquino, huh! Pinabulaanan niyang kakakasal pa lang niya o ‘di kaya ay nagpakasal muli!
Sa totoo lang, dalaga na ang panganay nina Ruby at Mark na si Toni na paminsan-minsan ay sumasayaw sa Eat Bulaga.
Alden tambay-tambay muna
Habang tambay muna sa regular show except Sunday All Stars, plano ni Alden Richards na magkaroon ng Build a Home Project.
Sa Enero 12, magsi-celebrate siya ng kanyang birthday sa Habitat Community sa QC kahit na nga last January 2 ang kanyang talagang kaarawan.
Simple lang ang selebrasyon ni Alden. Pero naging masayang regalo sa kanya ang mapili na isa sa bagong endorsers ng Boardwalk kung saan next week ang launching niya.
- Latest
