Al Tantay magkakaproblema sa ipinapatayong bahay

MANILA, Philippines - Isang aksidente ang posibleng makaharap ni Tatay Mac (Al Tantay) sa ipinapatayo niyang bagong bahay sa darating na episode ng Toda Max.

Sa linggong ito, ang kaibigan ni ’Tay Mac na si Engineer Manoy (Eddie Garcia) ang nakatutok sa construction kasama ang kanyang mga tao na sina Bruce (Manuel Chua) at Cholo (Jommy Teotico), para matapos kaagad ang bahay.

Para bumili ng mga mahusay at matibay na materyales, naglabas ng pera si Engineer Manoy at ibinigay kina Cholo at Bruce — ngunit mukhang may ibang pinaplano ang dalawa.

Malalaman kaya ni Engineer Manoy na may binabalak ang kanyang mga tao? Kung hindi, ano na ang mangyayari sa bahay ni ’Tay Mac?

Abangan ang mga kasagutan sa Toda Max ngayong Sabado (Hunyo 15) na mapapanood sa ABS-CBN Channel 2 pagkatapos ng Maalaala Mo Kaya.