Marian namudmod ng regalong chocolates kaya na-hyper ang mga katrabaho

Nai-tweet ni Rocco Nacino last Sunday na hyper daw silang lahat sa shooting ng My Lady Boss pero nagpasalamat siya kay Marian Rivera. Iyon pala, na­migay na si Marian ng Valentine’s Day gift niya na pare-pareho raw sila ng natanggap na masarap na chocolates. Nabanggit din ni Rocco na hindi pa iyon ang last shooting day nila dahil may two shooting days pa sila ng rom-com movie nina Richard Gutier­rez at Marian, directed by Jade Castro. 

So, paano kaya ang Valentine’s Day ni Richard? Makaalis kaya siya para madalaw kahit ilang araw lamang ang girlfriend na si Sarah Lahbati sa Geneva, Switzerland, tutal after Holy Week pa ang showing ng movie na dinidirek ni Jade Castro, at bago siya magsimulang mag-taping ng bagong drama se­ries niya sa GMA 7?

Dingdong imamasahe na lang si Marian sa Love Day

Tomorrow na nga ang Love Day at sure na si Ding­dong Dantes na magkasama sila ng girlfriend na si Marian Rivera kahit pareho silang nagti-taping today ng Pahiram ng Sandali at Temptation of Wife, respectively. Hindi raw sila puwedeng umalis kaya biro ni Dingdong kapag wala silang nakuhang restaurant for dinner, hihingi na lamang siya ng gift certificate sa manager niyang si Perry Lansigan, manager ng bagong bukas na Reluxe Spa sa second floor ng Luxent Hotel. Maganda raw ang VIP room ng spa na puwede silang magpagawa ng lahat ng sessions para sila maka-relax. Nai-try na raw niya noong opening day at gusto niyang mai-try din ito ng girlfriend para makapag-relax sa maraming work.

WOW FM nagkakaproblema sa radio hosts

Sa Twitter din ilang araw nang nag-i-emote ang showbiz personality na si Mr. Fu na sabi ay “Minahal ko ito pero bakit ako parang nababastos?” May problema kaya sa kanilang 103.5 WOW FM radio show na Showbiz Rampa? Na­kagawian na naming pakinggan ito every Sunday dahil sariwa at alam na­ming totoo ang showbiz news nila ng manager nilang si Noel Ferrer, Shalala, at Francine Prieto. May problema nga siguro dahil nalaman naming naka-inde­finite leave rin si Noel ngayon sa kanilang radio show.