‘Salamin’
(Part 1)
NANGYARI ang karanasan kong ito noong dalaga pa ako at nagtatrabaho sa isang kompanya sa Pasong Tamo, Makati.
Sa comfort room ng kompanya ay may salamin na sa tingin ko ay antigo na. Kakaiba ang frame ng salamin. Sabi ng mga kasamahan ko na matagal nang empleyado roon ay huwag ko raw tatagalan ang pananalamin at baka bigla akong may makita na nakikisalamin din. At pagkatapos ay magtatawanan ang mga kasama ko.
Alam kong biro lang yun. Mga palabiro kasi ang mga kasama kong babae. Kung anu-anong pagbibiro ang naiisip. Pero dahil hindi naman ako matatakutin, hindi ako naniniwala sa kanila.
Madalas akong mag-overtime. Inaabot ako ng hanggang alas otso ng gabi. Kung minsan, dalawa na lang kami ng kasamahan kong babae na naiiwan sa second floor.
Minsan ako lang ang nag-OT. Inabot ako ng 8:00 p.m.
Bago ako nag-out, nagtungo muna ako sa CR.
(Itutuloy)
- Latest
