“Pero sa palagay mo po, Sir Rene kung nagkausap uli kayo ni Rose, may posibilidad po ba na magkabalikan kayo?’’ tanong ni Eliz.
“Mahirap sagutin yan. Kasi mabigat ang nangyari sa amin. Baka hindi ako mapatawad ni Rose.’’
“Pero hindi naman po totoo ang akusasyon sa’yo at sa totoo lang na-setup ka. Bakit hindi mo ipaliwanag kay Rose yun.’’
“Baka hindi siya maniwala. Natatakot ako na pagsalitaan niya. Sabi ko, kung talagang kami, mangyayari yun.’’
“So hindi mo na po siya hinanap?’’
“Hinanap ko sa social media—sa FB pero wala. Hindi siguro siya nag-iinternet.’’
“E di sa Saudi ka po nagtagal?’’
“Oo. Sa Riyadh ako nagtrabaho bilang documentation specialist sa MODA.’’
“E di ang laki po ng suweldo mo.”
“Hindi naman. Ayos lang. Nakaipon ako.’’
“Hindi ka rin po nanligaw dun?’’
“Hindi. Si Rose pa rin ang nasa puso ko.’’
“Hindi mo malimutan?’’
Maya-maya may itinanong si Eliz.
“Sino po ba ang babaing naka-paint?’’ sabay turo sa painting.
“Si Rose.”
“Ang ganda po pala niya.”
“Oo. Maganda siya.’’
“Bagay po kayo.’’
(Itutuloy)