COCAINE, ITINAGO SA SPARE TIRE --- Para hindi ma-detect ng border agents sa Pine Valley, San Diego, California, ang dalang cocaine, isang kakaibang paraan ang ginawa ng 24-anyos na US citizen. Itinago niya ang 20 bundles ng cocaine sa spare tire ng kanyang Jeep Cherokee.
Pero mas matalas ang pang-amoy ng border agents. Nang makita nila ang paparating na Jeep Cherokee, pinara nila ito. Na-sense nila na may dalang drugs.
Hinanap na mabuti. Hinalughog ang Jeep. Hanggang sa makita nila sa spatre tire ang cocaine na nagkakahalaga ng $500,000.
Kinasuhan ang lalaki.
* * *
COCAINE, NATAGPUAN SA MARUMING BABY DIAPERS --- Kakaiba ang ginawa ng mag-asawa para makapagpuslit ng droga sa US galing Mexico. Itinago nila sa diapers ang cocaine na nagkakahalaga ng $400,000.
Nabuking ng border agents ang mag-asawa nang parahin ang kanilang sakakyan. Hinalughog. Noong una ay wala silang makita. Hanggang sa makita nila ang mga maruruming diapers na nasa isang plastic bag. Ayon sa mag-asawa, ginamit iyon ng kanilang anak.
Nang inspeksiyunin nakita ang sangkatutak na cocaine.
Kinasuhan ang mag-asawa.