POGO hub sa Island Cove, isinara na
MANILA, Philippines — Tuluyan nang kinandado ng mga otoridad ang pinakamalaking POGO hub sa bansa na Island Cove kahapon ng umaga sa Kawit, Cavite.
Personal na ininspeksyon nina Interior and Local Government Secretary Jonvic Remulla, PNP Chief Rommel Francisco Marbil, PAGCOR Chairman Alejandro Tengco at PAOCC Exec. Director Gilbert Cruz ang ilang mga kwarto sa loob ng nasabing POGO Hub.
Nadatnan ng mga opisyal ng gobyerno sa loob ang mga blangkong kwarto kung saan mga gamit na lamang ang natira dahil hindi na umano sila nag-o-operate.
Ayon kay Remulla, personal niyang binisita ang lugar upang masiguro at maipakita sa publiko na sinunod nila ang kautusan ng Pangulo at masunod ang target na hanggang Disyembre 31 na lamang.
Nasa 33 ektarya ang nasabing pasilidad at tinatayang lagpas 10,000 indibidwal ang mawawalan ng trabaho dahil sa pagsasara ng naturang POGO Hub.
Taong 2019 nang magsimulang mag-operate ang POGO sa dating resort.
- Latest
