Grade 1 pupil dedo sa tuklaw ng cobra

MANILA, Philippines — Isang Grade 1 pupil ang nasawi matapos matuklaw ng cobra nitong Lunes sa lalawigan ng Bukidnon.

Ayon sa tiyahin ng biktima na si Mildred Raymundo na nakatago sa kahon ng mga laruan ang cobra nang matuklaw ang kanyang pamangkin na si Yuri, 6-anyos.

Naglalaro ang biktima sa loob ng bahay nang biglang bumulaga ang cobra at tinuklaw ang biktima na unang dinala sa isang ospital sa Bukidnon, subalit dahil sa kawalan ng anti-venom vaccine inilipat ito sa isang ospital sa Cagayan de Oro City na kung saan ito binawian ng buhay.

Dismayado naman ang pamilya ng ­biktima sa kakulangan ng ­anti-venom vaccine sa Bukidnon.

Madalas anila ang insidente ng snake bite sa lalawigan subalit kulang sa bakuna.