20 miyembro ng KOJC kakasuhan
MANILA, Philippines — Nakatakdang sampahan ng iba’t ibang kaso ng pulisya ang nasa 20 miyembro ng Kingdom of Jesus Christ (KOJC) dahil sa iligal na pagtitipon at hindi kusang pagbubuwag ng kanilang barikada na kanilang itinayo sa kalsada sa Davao City.
Ayon kay Police Brig. General Roderick Augustus Alba, special task group TEKNON Alpha spokesperson, na siyang naatasang magsalita hinggil sa mga pangyayari sa loob at labas ng KOJC compound.
Mga kasong resisting arrest, disobedience to agents of authority at BP 880 o Public Assembly Act ang isasampang kaso laban sa mga nasabing miyembro ng KOJC.
Bukod dito, sinabi rin ni Alba na inihahanda na rin nila ang paghahain ng petition to clarificatory sa Davao City RTC hinggil sa inilabas nilang temporary protection order.
Sinang-ayunan din ni Albay ang sinabi ni DILG Secretary Benjamin Abalos Jr. hinggil sa magandang development ng ginagawa nilang paghahanap kay Quiboloy at hindi rin nagbigay ng timeline kung malapit na o ilang araw pa ang aabutin sa paghahanap sa puganteng pastor.
- Latest
