Payouts sa college students, parents ipinamahagi ng DSWD
MANILA, Philippines — Nagsimula nang mamigay ang Department of Social Welfare and Development (DSWD) ng cash-for-work (CFW) payouts para sa mga college students na nagsilbing tutors at Youth Development Workers (YDWs), mga magulang at guardians ng elementary-beneficiaries ng Tara, Basa! Tutoring Program ng ahensiya.
Ayon kay DSWD Asst. Secretary Irene Dumlao. nitong Agosto 16 ay namahagi ang DSWD ng cash aid para sa mga beneficiaries ng programa sa Region 7 (Central Visayas), Region 12 (SOCCSKSARGEN), at Bangsamoro Autonomous Region in Muslim Mindanao (BARMM).
Ang 444 tutors at 230 YDWs mula sa Central Visayas ay tumanggap ng P9,360 bawat isa at ang 210 tutors at 105 YDWs mula BARMM ay tumanggap ng P6,820 bawat isa habang ang 216 tutors at 48 YDWs mula sa SOCCSKSARGEN ay P8,060 bawat isa.
Ang halaga ng natanggap na cash aid ay para sa 20 reading at parenting sessions base sa regional minimum wage rate sa kanilang lugar.
“A total of 7,709 parents and guardians of struggling and non-reader elementary students received their CFW amounting to P4,700 each for attending 20 Nanay-Tatay teacher sessions,” pahayag ni Dumlao.
- Latest
