Ospital sa Maynila nasunog, mga pasyente inilikas
MANILA, Philippines — Agad na inilipat ang mga pasyente sa ward section matapos na sumiklab ang sunog sa ika-pitong palapag ng Metropolitan Medical Center sa Masangkay St., Sta. Cruz, Maynila, madaling araw ng Sabado.
Nabatid na idineklarang first alarm ang sunog ala-1:56 ng madaling araw ng Agosto 17 at dalawang minuto pa ay itinaas sa ika-2 alarma.
Nabatid na napilitang ilikas ang mga pasyente ng ward dahil sa mabilis na pagkalat ng apoy.
Matapos ideklarang fire-out alas-2:51 ng madaling araw ng Bureau of Fire Protection (BFP) at maisagawa ang mopping operation ay pinayagan nang makabalik ang mga pasyente sa ward.
Inaalam pa ng mga arson investigators ang sanhi ng sunog na nakaapekto lamang sa mga tanggapan sa ikapitong palapag.
- Latest