Ex-Manila RTC judge itinalaga bilang bagong pinuno ng NBI
MANILA, Philippines — Itinalaga ni Pangulong Ferdinand Marcos Jr. si retired Judge Jaime Santiago bilang director ng National Bureau of Investigation (NBI).
Si Santiago ay nanumpa kay Executive Secretary Lucas Bersamin kahapon ng umaga.
Nagsilbi si Santiago sa Philippine National Police (PNP) Western Police District (WPD) mula 1979 hanggang 2000.
Nagtapos din siya ng BS Criminology sa Philippine College of Criminology (PCCR) mula 1978 hanggang 1988 at kumuha ng kursong Law sa Manuel L. Quezon University (MLQU-LAW) mula 1989 hanggang 1993.
Nakilala rin siya bilang isang sharpshooter mula sa Special Weapons and Tactics (SWAT) noong panahon ng WPD at naisapelikula rin ang kanyang buhay noong 1996.
Naging Criminal Law professor din si Santiago sa Emilio Aguinaldo College, Philippine College of Criminology at sa Emilio Aguinaldo College.
Habang nagsilbi rin siyang acting executive/presiding judge ng Regional Trial Court (RTC) sa Manila at Tagaytay at dating Metropolitan Trial Court (MeTC) sa Maynila.
- Latest
