Ilocos Sur niyanig ng magnitude 4.7 lindol

MANILA, Philippines - Niyanig ng magnitude 4.7  lindol ang bahagi ng Ilocos Sur kahapon ng madaling araw.

Ayon sa Philippine Institute of Volcanology and Seismology (Phivolcs), naramdaman ang sentro ng pagyanig sa 51 km sa southwest ng Santa Catalina, Ilocos Sur, dakong alas-4:37 ng madaling araw.

May lalim ang lindol na 29km at tectonic ang origin.

Gayunman naramdaman ang intensity II sa Vigan City; Intensity III- Sinait, Ilocos Sur; at Intensity I - Pasuquin, Ilocos Norte.

Kasunod nito ang apat pang mga aftershocks sa nasabing lugar, subalit wala namang iniulat na nasira o nasugatan sa nasabing lindol.