Alitan sa lupa: Lolo pinabulagta
MANILA, Philippines - Itinumba ang isang 70-anyos na lolo habang sugatan naman ang mister na nakasaksi sa pangyayari nang pagbabarilin ang una ng mga armadong kalalakihan na kaaway nito sa lupa sa Remedios T. Lim, Zamboanga Sibugay kamakalawa ng hapon.
Ang biktimang si Sergio Barbaso, magsasaka at residente ng Brgy. San Jose, Kalawit ng lalawigan ay dead-on-the-spot bunsod ng mga tama ng bala ng shotgut sa katawan. Sugatan naman si Ronald Wong na nagawang makatakas.
Batay sa imbestigasyon ng pulisya ang insidente ay naganap sa lupang taniman ng biktima sa Brgy. J.S. Perfecto ng bayang ito dakong alas-4 ng hapon. Abala umano ang biktima sa pagtatanim ng biglang dumating ang suspek na si Nicolas Queso, 50, kasama ang dalawa pang armadong di kilalang kalalakihan.
Mabilis na pinagbabaril ng mga suspek ang biktima habang nagkataon namang napadaan sa lugar ang saksing si Wong na tinarget din ng mga suspek subalit masuwerteng nakaligtas.
Malaki ang posibilidad na alitan umano sa lupa ang motibo ng krimen.
- Latest
