Mag-asawa,1 pa dinakip sa shabu
MANILA, Philippines – Nadakip ng mga operatiba ng Philippine Drug Enforcement Agency (PDEA) ang tatlong katao kabilang ang isang mag-asawa na umano ay mga big time drug pushers sa isang operasyon sa Negros Occidental.
Ang mga suspek ay kinilalang sina Rodolfo Pongan Jr., alyas Kalbo, 38; asawang si Jerlyn, pawang mga residente sa Block 16, Lot 21, East Home 1, Estefania Fortune Town, Bacolod City, Negros Occidental; at Jason Baron, 25, ng Purok Camunsil, Bacolod City.
Batay sa ulat, dakong alas-8:45 ng umaga nang magsagawa ng buy bust operation ang mga otoridad sa mga suspek at nang magkakaabutan na ng items ay inaresto na ang mga ito.
Ang mga suspek ay nakuhanan ng siyam na plastic sachet ng shabu na may timbang na 80 grams, at may street value na P480,000.
- Latest
