MANILA, Philippines – Kamatayan ang naghihintay sa paglabas ng isang 39-anyos na lalaki sa kanyang bahay nang ito ay pagbabarilin ng dalawang lalaki na sakay ng motorsiklo kamakalawa ng gabi sa Malabon City.
Ang biktima na idineklarang dead on arrival sa Pagamutang Bayan ng Malabon dahil sa tama ng mga bala sa ulo ay kinilalang si Jay De Guzman, 33, ng Jacinto St., Brgy. Concepcion ng lungsod.
Sa ulat ng pulisya, dakong alas-10:45 ng gabi ay lumabas ng kanilang bahay ang biktima sakay ng kanyang bisekleta nang ito ay harangin ng dalawang lalaki na sakay ng motorsiklo nang biglang naglabas ng baril ang angkas at pinagbabaril ang biktima.
Mabilis na nagsitakas ang mga suspek sakay sa kulay pulang Honda Wave patungong Gen. Luna St., Barangay San Agustin.