MANILA, Philippines - Nadakip ng pulisya ang dalawang umano’y drug dealer sa magkahiwalay na buy-bust operation na isinagawa sa Muntinlupa City kakalawa.
Naghihimas ng rehas sa Muntinlupa City Police detention cell ang mga suspek na sina Ramil Unisa “Gubat” Islan, residente ng Te Paurel Compound, Barangay Putatan at Michelle Bunda “Bambam” Ramos, naninirahan sa Rizal St., Barangay Poblacion, kapwa ng nasabing lungsod.
Ilang reklamo na umano ang natatanggap ng pulisya mula sa ilang concerned citizen hinggil sa illegal na operasyon ng mga suspek. Nakumpiska sa mga suspek ang ilang plastic sachet ng umano’y shabu.