‘Twin sister’, tatlong taon ginagahasa ng tiyuhin

MANILA, Philippines – Halos tatlong taon ang nakalipas bago nadiskubre ang kahayupan ng isang jeepney driver na ginagawang parausan ang kambal na 10-anyos sa maraming pagkakataon.

Ang suspek na naaresto ay kinilalang si Ronaldo Magno, 40, residente ng no, 2139 Elias St,. Sta. Cruz, Maynila.

Sa salaysay ng magkapatid na kambal na itinago sa pangalang Jane at Jessa na ang suspek ay live-in partner ng kanilang tiyahin.

Sa salaysay ng ama ng kambal na kamakailan lang niya nalaman sa mga anak ang panghahalay sa kanila dahil sa inilihim ito ng mga anak, lola at tiyahin sa takot na magpakamatay ang misis ng suspek.

Nang malaman ng ama ang insidente ay nagtago na ang suspek kaya hindi niya ito naipaaresto at sa paglutang nito kahapon ay dito na nila ipinaaresto sa barangay.

Sa salaysay ng kambal na isinasama sila ng suspek sa pamamasada at sa terminal  ng bus sila hinalay habang nakaparada ang jeep.

Nabatid na mula nang mabunyag ang pangyayari ay hindi na rin nakapag-aral ang kambal dahil sa mga pagbabanta ng suspek na papatayin niya ang pamilya ng mga biktima.