2 magsasaka utas sa kidlat

MANILA, Philippines - Nasawi sa tama ng kidlat ang dalawang magsasaka habang nasugatan ang dalawa pa nitong kasamahan naganap sa isang palayan sa Brgy. Naglicuan, Pasuquin, Ilocos Norte.

Ang dalawang nasawi ay kinilalang sina Arnel Galiza, 30; at Joven Ratuita Sr., 44. Habang nasu­gatan sina Eddie Villanueva at Nick Cornelio.

Sa ulat, dakong alas-5:00 ng hapon ay magkakatabing nagtatanim ng palay ang biktimang magsasaka sa nasabing lugar nang biglang kumulog at kasunod nito ay pagkidlat na sumapul sa katawan ng dalawang nasawi habang ang dalawang iba pa ay nasugatan.