MANILA, Philippines - Higit pang pinalawig ng Government Service InsuÂrance System (GSIS) ang “grace period†o ekstensyon ng pansamantalang hindi pagbabayad sa kanilang mga amortisasyon hanggang Nobyembre ngayong taon sa mga miyembro nilang biktima ng bagyong Yolanda.
Sinabi ni GSIS President Robert Vergara, umaasa siya na habang hindi muna nagbabayad ng amortisasyon sa kanilang mga utang sa “Home Emergency Loan Program (HELP)â€, tututok ang mga miyembro nila sa pagkukumpuni at muling pagtatayo ng kanilang mga nasirang tahanan upang makabalik sila sa normal na buhay.
Una nang naka-iskedyul na magbayad ng kanilang amortisasyon ngayong Hulyo ang mga umutang sa pamamagitan ng HELP. Ngunit nakarating sa GSIS na marami sa mga umutang ay hindi pa ganap na nakakabawi buhat sa trahedyang tumama sa kanila ng bagyong Yolanda kaya nagdesisyon ang GSIS na palawigin pa ang “grace period†para sa kanila.
Una na ring nagbigay ng ekstensyon sa pagbabayad ng iba pang uri ng loans sa kanilang mga miyembro at pensioners ang GSIS hanggang Oktubre 2014 sa mga lugar na tinamaan ng bagyong Yolanda.
Binuksan ng GSIS ang HELP window nitong Enero para tumulong sa pagbagong ng mga biktima ng Yolanda. Ang mga miyembro na nasa pamahalaan ng 10 taon ay maaaring makautang ng hanggang P200,000 at ang mababa sa 10 taon ay maaaring umutang ng P100,000.