Truck ban sa Maynila tuloy na

MANILA, Philippines - Tuloy na ang pagpapatupad ng truck ban sa Lunes (Pebrero 24) alinsunod sa ordinansang ipinasa ng konseho ng lungsod ng Maynila.

Subalit, magkakaroon ng ‘window hours’ sa pagpapatupad ng truck ban na simula alas-5:00 ng umaga hanggang alas-10:00 ng  umaga kung saan magkakaroon ng â€˜window hours’ mula 10:00 ng umaga hanggang  alas-3:00 ng hapon.

Sa nasabing ‘window hours’ papayagan ang mga truck na makabiyahe at muli na namang itutuloy ang oras ng truck ban  mula alas-3:00 ng hapon hanggang alas-10:00 ng gabi at  maaari na  ring  makabiyahe ang mga truck sa kahabaan ng Roxas Boulevard patungong Quirino Avenue na una nang ipinagbawal. Ipinaliwanag ni Diego Cagahastian, Media Information Bureau chief na  consession ay lumitaw matapos ang pagpupulong nila Manila Mayor Joseph Estrada at Vice Mayor Isko Moreno sa mga opisyal at kinatawan ng Philippine Chamber of Commerce and Industry, Metro Manila Development Authority, Truckers Associations, Local  Govern­ment Units o LGUs at maging ang Commission on Human Rights o CHR.