2 kelot itinumba sa Taguig

MANILA, Philippines - Dalawang lalaki ang pinagbabaril ng mga hindi pa nakikilalang salarin, kamakalawa ng hapon.

Inilarawan ng pulis­ya ang dalawang biktima na kapwa may taas mula 5’2”-5’3”, parehong naka­suot ng maong na short pants, isa ang nakasuot ng berdent, t-shirt habang ang isa pa ay puting sando ang suot.

Sa inisyal na ulat ng Taguig City Police, dakong alas-2:45 ng hapon nang marinig ang sunud-sunod na putok ng baril sa kanto ng Gumamela at Pamela Sts. sa Brgy. Lower Bicutan. 

Nang respondehan ng mga otoridad ay tumambad ang mga bangkay ng mga biktima na nagtamo ng maraming tama ng bala sa katawan.

Isang residente ang nakakita sa gunman na tuma­takas at dahil sa takot na balingan ay pumasok ito sa bahay kaya’t hindi niya umano namukhaan ang sus­pek.