Mag-asawa pinaslang ng tandem

MANILA, Philippines - Kapwa hindi na umabot ng buhay sa Zamboanga City Medical Center ang isang mag-asawang negosyante nang sila ay pag­babarilin ng dalawang lalaki na sakay ng isang motorsiklo kamakalawa sa Brgy. Talon-Talon, Zam­boanga City.

Ang mag-asawa ay ki­nilalang sina Francisco Natividad, 58 anyos at  Myrna Natividad, 50-an­yos. Nagtamo ang mga ito ng tama ng bala ng cal. 45 pistol at cal 9 MM sa iba’t ibang bahagi ng ka­tawan.

Sa ulat ni Chief Inspector Ariel Huesca, spokesman ng Police Regional Office (PRO) 9, dakong alas-3:10 ng hapon ay ka­salukuyang nasa bisi­nidad ng main road ng Marquez Drive, Logoy Grande, Brgy. Talon-Talon ang mag-asawa nang sumulpot ang mga suspek na sakay ng motorsiklo na  umano’y ilang-araw ng tumutugaygay sa kanila.

Pagtapat sa mag-asawa ay agad itong pinagbabaril na kung saan ay duguang bumulagta ang mga una habang mabilis namang nagsitakas ang mga suspek.