MANILA, Philippines - Malapitang binaÂril ng nag-iisang gunman ang isang pastor at provincial coordinator ng 1st Kabagis party-list habang nakiÂkipag-usap ito sa kanyang mga kapatiran kahapon ng umaga sa Laoag City, Ilocos Norte.
Ang biktima na namatay noon din dahil sa tama ng bala sa batok na naglagos sa panga ay nakilaÂlang si Macario Campanio, 40-anyos, pastor ng Church of Christ.
Ayon kay SPO4 Ramelito Piedad, desk officer ng Laoag City Police, naitala ang krimen bandang alas-8:00 ng umaga sa kahabaan ng Fariñas St., sa nasabing lungsod.
Ayon kay Piedad, kasalukuyang nakikipag-usap ang biktima sa ilang mga kasamahan nito sa panaÂnampalataya sa tapat ng kanyang bahay nang lapitan ng salarin at paputukan sa batok.
Agad na bumulagta ang pastor habang mabilis namang tumakas ang suspek kasama ang isa pang lalaki na nagsilbing lookout sa krimen.
Nagawa pang maisugod sa pinakamalapit na pagamutan ang biktima pero idineklara na itong dead-on-arrival.
Ayon sa pamilya na wala silang alam sa motibo ng pagpatay sa biktima na walang natatanggap na death threat.